петок, 24 март 2017  |  Вести денес: 59

Откриени потомците на Леонардо да Винчи

Двајца италијански научници успеале да ги откријат и да ги идентификуваат потомците и роднините на прославениот ренесансен сликар Леонардо да Винчи, користејќи се само со генеолошките податоци.

leo-da-vinci

Поврзани вести

Двајца италијански научници успеале да ги откријат и да ги идентификуваат потомците и роднините на прославениот ренесансен сликар Леонардо да Винчи, користејќи се само со генеолошките податоци.

Историчарите Алесандро Везоси и Агнезе Сабато успеале да пронајдат вкупно 35 потомци на Да Винчи, меѓу кои најпознат е италијанскиот филмски и театарски режисер Франко Зефирели.

Леонардо да Винчи починал во Тоскана во 1452 година. Тој никогаш не се оженил и нема директни потомци.

Посмртните останки на Да Винчи исчезнале во бурните времиња на 16. век во денешна Италија, па научниците не можеле да прават ДНК тестови за своите откритија и затоа историчарите Везоси и Сабато се насочиле само на генеологијата.

Потрагата по потомците на прославениот сликар почнала уште во 1973 година, со изработката на неговото „семејно стебло“.

Оние Италијанци, кои двајцата научници сега ги посочуваат како роднини на Да Винчи, во најголемиот број се уште живеат во провинцијата Тоскана.

Италијанскиот весник „Ла Стампа“ пишува дека не е изненадување податокот дека режисерот Зефирели е роднина на Леонардо да Винчи.

Уште во 2007 година, примајќи ја од италијанскиот претседател престижната награда „Леонардо“, Зефирели зборуваше за своето потекло и за своите корени, одејќи наназад до средниот век и времето на Ренесансата, наведува „Ла Стампа“.

Најчитани вести