Спорт

Отсуството на Палмарсон и Паличка – шанса повеќе Металург да слави против Кил

Отсуството на Палмарсон и Паличка – шанса повеќе Металург да слави против Кил

Конечно пристигна една добра вест за тимот на Металург. Последните информации говорат дека тимот на Кил во Скопје ќе допатува без едни од своите најдобри ракометари, бекот Арон Палмарсон и голманот Андреас Паличка, кои заработиле повреди на последниот натпревар од домашното првенство, на кој Кил играше против тимот на Либек.

Палмарсон и Паличка од терените ќе отсуствуваат околу три недели, а ако се земе предвид дека германскиот шампион не може да смета и на Јиха и Лауге, тогаш станува јасно зошто “металурзите” конечно можат да се насмеат.

Сепак, Кил е Кил, опуштање не смее да има, особено што и во тимот на Металург сезонава работите не одат како што треба. Натпреварот се игра утре (сабота) во СЦ “Борис Трајковски”, а почетокот е закажан за 21:00 часот.