Ова се хороскопски знаци со најголемо его

Иако станува збор за една од најнепожелните карактерни особини, сепак себичноста е карактеристика што природно им доаѓа на повеќето луѓе. Себичноста е природна реакција и варира кај секој човек. Додека некои луѓе се како Џои од „Пријатели“ и не сакаат да ја делат својата храна, други се како Барни од „Како ја запознав мајка ви“ и тие секогаш се фокусирани само на себе, поради што ги нервираат сите околу нив.

 

Во ред е да се биде себичен, сѐ додека тоа не премине во егоцентризам. Егоцентричните луѓе ги гледаат работите само од своја лична перспектива, бидејќи во нивниот ум тие се најинтелигентните и најубавите луѓе на Земјата. Според астрологијата, некои хороскопски знаци се поегоцентрични од другите. Ако го пронајдете вашиот знак меѓу следниве 5, немојте да се чувствувате лошо, бидејќи, сепак, тоа е само мислењето на ѕвездите…

Овен

Кога припадниците на овој знак сакаат нешто, подготвени се да сторат сѐ за да го добијат тоа. Овните се родени лидери, поради што веруваат дека светот е нивен и дека сѐ треба да се одвива онака како што тие си замислиле. Тие се многу независни и секогаш го прават она што ним им се допаѓа, без да ги земат предвид туѓите мислења и чувства. Не се запознаени со емпатијата и многу ретко можат да се стават во туѓи чевли за да видат како нивните дела влијаат врз другите. Исто така, Овните се лутат веднаш штом се почувствуваат малку непријатно. Овенот со право е прогласен за најголемиот егоист во зодијакот.

Лав

Лавовите се искрени, директни и лојални, но мислат дека целиот свет се врти околу нив. Благодарение на нивната ведрина, тие влијаат позитивно на сите луѓе кои се дружат со нив. Нив ги води срцето, а живеат за љубовта. Но, не е сѐ толку розово. Лавовите многу лесно можат да се навикнат на комплиментите и да се претворат во егоцентрични личности. Иако се храбри, бестрашни и способни, тие имаат огромно его и ненаситен глад за внимание. Токму затоа, одвреме-навреме Лавовите знаат да бидат многу напорни и здодевни.

 

Скорпија

Скорпиите припаѓаат на онаа група луѓе кои мислат дека целиот свет се врти само околу нив. Тие се толку егоцентрични што ако почнете да разговарате на одредена тема и тие сфатат дека знаете повеќе од нив, ќе почнат да ги користат своите манипулативни вештини за да го пренасочат разговорот, но притоа ќе ја задржат смиреноста и нема да покажат никакви знаци на лутина. Скорпиите сакаат да делуваат мистериозно, но вистината е дека се огромни егоцентрици. Освен тоа, тие се љубоморни, посесивни, параноични и сакаат да контролираат до таа мера што можат да го исплашат и најхрабриот човек на Земјата. Знаат да бидат и безобразни без никаква причина.

Близнаци

Нема сомнеж дека Близнаците се духовити, забавни и интересни. Но, можеби веќе знаете дека тие постојано го менуваат своето мислење. Приземните Близнаци лесно можат да станат егоцентрични и да мислат дека тие се центарот на универзумот. Кој ќе се обиде да го негира тоа, веднаш ќе биде избришан од нивниот живот. Никогаш не се грижат премногу за другите луѓе, затоа што веруваат во своите комуникативни вештини и секогаш имаат долга листа на контакти за да можат да ги заменат оние кои не им се потребни повеќе. Накратко, Близнаците никогаш не прифаќаат помалку од она што мислат дека го заслужуваат, а тоа е прилично блиску до совршенството. Тие не бираат средства и не ги земаат предвид туѓите чувства кога сакаат да го добијат она што си го зацртале.

Бик

Бикот е несомнено еден од најчувствителните, најлојалните и најемпатичните знаци во зодијакот, но тој е исто така познат по својата склоност да се фокусира самиот на себе. Биковите се практични и најмногу од сѐ бараат сигурност и стабилност. Токму затоа, тие може да станат алчни и материјалистички ориентирани, а понекогаш и егоцентрични. Не можат да ја поднесат помислата на несигурен живот, па за да го добијат она што го сакаат, почнуваат да се однесуваат многу себично. Освен тоа, Биковите може да станат многу посесивни и претерано заштитнички настроени, но со добри причини. Не постојат луѓе кои не им се важни. Егоцентричното однесување на Биковите е најочигледно кога се вљубени. Меѓутоа, тие се многу лојални и не постои нешто што не би го направиле за личноста која ја сакаат.

Доколку преземете содржина од оваа страница, во целост сте се согласиле со нејзините Услови за користење.