Свет

Светски пазари Пад на Волстрит поради загриженоста околу даночните реформи

Пад на Волстрит поради загриженоста околу даночните реформи

На њујоршки Волстрит во четвртокот цените на акциите паднаа, бидејќи инвеститорите стравуваат дека даночната реформа нема да добие доволна поддршка во американскиот Конгрес.

Индексот Dow Jones се лизна за 0,31 отсто, на 24.508 поени, додека S&P 500 ослаби за 0,41 проценти, на 2.652 поени, а индексот Nasdaq падна за 0,28 отсто, на 6.856 индексни поени.

Падот на сите најважни индекси, при што Dow Jones се лизна со рекордното историско ниво, е последица на стравувањата на вложувачите за судбината на даночните реформи во САД. Имено, иако во средата републиканските претставници во Конгресот објавија дека Претставничкиот дом и во Сенатот постигнале договор за заеднички предлог на промените во даночниот систем, во четвртокот двајца републикански пратеници порачаа дека нема да го поддржат законот без одредени измени.

Предложената даночна реформа, којашто, меѓу другото, би го намалила даночната стапка на приходите на имотните граѓани, додека даночната стапка за компаниите би била намалена од 35 на 21 отсто, и онака е цел на критичарите коишто тврдат дека оди во бизнисот и побогатите.

Цените на акциите на Волстрит силно пораснаа кога претседателот Доналд Трамп ланскиот ноември победи на изборите, меѓу другото и благодарејќи на неговото ветување за намалување на даноците. Сега, пак, вложувачите стравуваат од пад на цените на акциите доколку законот не добие поддршка.

„Последниот придвижувач на пазарите во оваа година е даночната реформа. Секое придвижување на пазарот се заснова на вестите за тоа дали ќе мине или не“, вели за Reuters Мајкл Антонели, директор во компанијата „Robert W. Baird“.

Поради тоа во четвртокот не охрабрија ниту податоците за поголемиот од очекуваниот раст на прометот во трговијата на мало во ноември, што укажува дека потрошувачката на Американците е силна и дека го поткрепува растот на економијата.

Од 11-ти главни сектори на S&P 500 индексот вчера 10 забележаа пад, а намногу за 1,1 отсто, се лизнале цените на акциите во здравствениот сектор.

Единство потрошувачкиот сектор забележа раст, што доаѓа благодарејќи на скокот на цената на акцијата на филмските студии „Walt Disney“ и „Twenty-First Century Foxa“, по вестите дека првото понуди 52,4 милијари долари за преземање на дел од работата на второто. Акцијата на „Walt Disney“ поскапе за 2,8 отсто, а на „Twenty-First Century Fox“ за 6,5 проценти.