Македонија

Пакетот закони поврзани со проектот „Македонија вработува 2“ пред пратениците

Пакетот закони поврзани со проектот „Македонија вработува 2“ пред пратениците

Пакетот закони поврзани со проектот „Македонија вработува 2“ денес ќе се најдат пред пратениците.

Во рамки на 107-мата седница во Собранието на Република Македонија пратениците ќе расправаат за предлог измените  на Законот за вработување и осигурување во случај на невработеност, Законот за пензиско и инвалидско осигурување и на Законот за здравствено осигурување кои се поврзани со реализација на проектот „Македонија вработува 2“.

Пред пратениците на оваа седница се и Предлогот на закон за дополнување на Законот за јавните набавки, измените и дополнувањата на Законот за земјоделство и рурален развој, измените на Законот за полиција, измените и дополнувањата на  Законот за внатрешни работи и измените и дополнувањата на Законот за минерални суровини, сите по скратена постапка.

На дневен ред на оваа седница се и годишни извештаи на повеќе комисии, агенции и Советот на јавни обвинители.