Свет

Палестинци бегаат од израелската армија

Палестинци бегаат од израелската армија

Во израелската копнена офанзива во Појасот Газа има стотици загинати, а десетици илјади Палестинци се во бегство. Генералниот секретар на ОН најави посредување во конфликтот.

Во рок од 24 часа бројот на луѓе кои побарале заштита во засолништата на Организацијата на ОН за палестински бегалци УНРВА од 22.000 пораснал на 44.000 луѓе, јавува портапролот Крис Гунес. Бегалците се сместени во 34 кампови.

Најважните израелски организации за заштита на човековите права побараа воспоставување „хунамитарен коридор“. Во писмо до израелскиот министер за одбрана Моше Јалон тие побараа итни мерки кои ќе овозможат Израел да ги исполни своите правни обврски, како транспорт на ранетите. Освен тоа, мора да се овозможи спасувачките екипи да ја вршат својата работа без ризик по својот живот, истакнуваат активистите.