Спорт

Пандев конечно погоди, Хамзаоглу допрва го очекува најдоброто од него

Пандев конечно погоди, Хамзаоглу допрва го очекува најдоброто од него

Македонскиот интернационалец во редовите на Галатасарај, Горан Пандев конечно го прекина постот и постигна погодок за својата екипа.

На мечот против Балкова Беледијеспор во рамките на Купот на Турција, Пандев постигна хет-трик уште во првото полувреме, а неговиот тим славеше со убедливи 1:9.

Веднаш по натпреварот, новиот тренер на славниот турски клуб, Хамза Хамзаоглу, изјави дека Пандев полека се враќа во форма.

“Нема сомнеж дека Пандев е квалитетен фудбалер. Но, не можам да кажам дека во моментов е најдобро физички подготвен. Неговото издание на последниот натпревар јасно покажа за каков играч се работи. Тој изминатиов период напорно работеше, полека навлегува во ритам, но не е на ниво на физичка подготовка на кое ние сакаме и кое ќе му овозможи да биде беспрекорен на теренот” – вели Хамзаоглу.