Патот до ски-центарот Кожуф непрооден

Патот до ски-центарот Кожуф е непрооден. На него има наврнaто снег во висина од околу триесетина сантиметри.

До ски-центарот од гевгелиска страна сега се стигнува само со моторна санка или специјална машина за чистење на снег, ратрак, вели Ангел Наков, извршниот директор на ски- центарот кој има седиште во Кавадарци, пренесува МИА.

Тој изрази надеж дека во најкус можен рок снегот ќе биде исчистен и патот од месноста Смрдлива вода кон ски-центарот ќе биде прооден

Наков додаде дека во скијачката населба има над половина метар снег, а на ски-патеките десетина сантиметри повеќе.

-Откако снегот ќе легне и ќе го натапкаме со основна подготовка на патеките, тој ќе биде основна база за годинешнава скијачка сезона, додава Наков.

Доколку преземете содржина од оваа страница, во целост сте се согласиле со нејзините Услови за користење.