Крими хроника

Починатиот кај Зелен пазар не бил бездомник

Починатиот кај Зелен пазар не бил бездомник

Педесетогдишникот чие безживотно тело во петокот утрото беше најдено на Зелен пазар во центарот на Скопје, не бил бездомник, туку самец кој живеел најверојатно во едно со скопските села, а смртта најверојатно настапила од предозираност со алкохол.

Починато лице е пронајдено утрово во 6 часот на клупа кај Зелен пазар. Станува збор за 50-годишен маж од скопско, а во полиција случајот ги пријавиле случајни минувачи.

Според информациите до кои дојде Сител не станува збор за бездомник, а смртта најверојатно настанала поради предозираност од алкохол.

По наредба на јавен обвинител телото е предадено на обдукција по што ќе се знаат причините поради кои настапила смртта кај лицето што е пронајдено утрово на една од овие клупи.

Педесетгодишникот живеел сам, не бил оженет и поседувал имот во скопско село Вујковци. Најчесто се движел на локација Зелен пазар, каде е и пронајден утрово. Според евиденцијата на МТСП не бил регистриран како социјален случај иако повремено доаѓал во Црвениот крст да побара помош во храна и облека. Од хуманитарната организација апелираат да се работи интезивно со овие лица на кои им е потребна помош и ресоцијализација.