Пепе верува во Џејмс Родригез

Проблематичниот дефанзивец на актуелниот европски клупски шампион Реал (М), репрезентативецот на Португалија, Пепе е убеден дека последната милионска аквизиција на “кралскиот клуб”, Џејмс Родригез ќе има успешна фудбалска кариера и на “Сантијаго Бернабеу”.

За да ги осигураат услугите на најдобриот стрелец на последниот Мундијал во Бразил, репрезентативецот на Колумбија, раководните лица на Реал (М) мораа да го прифатат и да го исплатат побараното обештетување од 80 мил. евра.

Младиот играч за врска потпиша 6-годишен договор, а истиот му гарантира годишна заработувачка од 7 мил. евра.

“Тој е талентиран фудбалер. Во Порто беше одличен и се радувам што клубот успеа да го доведе во Мадрид, каде што ќе може да слави титули“, изјави централниот дефанзивец.

Доколку преземете содржина од оваа страница, во целост сте се согласиле со нејзините Услови за користење.