Пешевски: ВМРО-ДПМНЕ отвора нови работни места, додека СДСМ создава криза

Вицепремиерот Владимир Пешевски на партиската трибина во Босилово истакнна дека лидерот на СДСМ, Зоран Заев ја втурна Македонија во политичка криза за како што посочи самиот уште на почеток, во земјава да се одржат предвремени избори.

И покрај тоа, сега кога изборите се договорени, Заев бега од соочување со народот.

– Во овој период како политичка партија реализиравме голем број на нови проекти, кои што ги немавме ветено, но и оние кои ги ветивме пред граѓаните. Се креираа нови работни места, се привлекоа нови инвеститори, се инвестираше доста во здравството, започна проектот „Македонија вработува“, започна проект за решавање на станбено прашање за младата популација…., рече Пешевски.

Тој потенцира дека во времето кога СДСМ создаваше криза, народот виде кој создава проекти за подобар живот на граѓаните, а кој не прави ништо.

-Запоседнаа две министерства на сила. Имаат свои луѓе таму и наместо да излезат со некои нови идеи што можат да направат за граѓаните, не видовме од нив ништо. По којзнае кој пат народот си се увери што е разликата во нашиот пристап, истакна Пешевски.

Доколку преземете содржина од оваа страница, во целост сте се согласиле со нејзините Услови за користење.