Во изминатиот период извршниот комитет донесе одлука да се испита расположението меѓу граѓаните и членовите ги посетуваа општинските и месните комитети. Наидовме на огромна поддршка од народот, порака дека стојат зад партијата и нема да дозволат да дојде до дестабилизација на државата и се јави потребата за ова.
Ова денеска го истакна Владимир Пешевски, вицепремиерот на Република Македонија.
-Главните пораки ќе ги каже премиерот, но она што ќе биде водилка во работата е дека треба да се фокусираме на реалните проблеми и реализација на проектите кои го подобруваат животот на граѓаните, реални потреби на граѓаните и дека ќе се работи со несмалена енергија како сега, истакна Пешевски.
Пешевски истакна дека бројот на собраните граѓани е огромен, а дека салата е веќе полна, истакнувајќи дека суштински е да се чујат пораките на премиерот на Република Македонија, Никола Груевски.