Свет

Песков: Победата над Исламска држава е невозможна без копнена операција

Песков: Победата над Исламска држава е невозможна без копнена операција

Независно што прават Лондон, Вашингтон или Москва, победата над терористичката организација „Исламска држава“ во Сирија е невозможна без успешна копнена операција на сириската армија.

Ова го изјави прес-секретарот на рускиот претседател Владимир Путин, Дмитриј Песков во интервју за Би-би-си, пренесува МИА.

Според него, целта е на Русија да ги зацврсти позициите на легитимната сириска армија, затоа што само Сирија може да го оствари копнена операција против терористите.

Едвај по победата над тероризмот може да се мисли за вистинско политичко решение во Сирија, додаде Песков по програмата „Хард ток“. Само Сиријците, а не Париз, Лондон или Вашингтон, можат да одредат кој ќе биде следниот претседател на Сирија, додаде Песков.

Тој увери оти тоа е и целта на рускиот претседател Владимир Путин, да помогне на Сиријците за постигнување политичко решение. Песков ги отфрли обвиненијата дека руските напади причиниле жртви меѓу мирното население.

Покажаните записи може да се снимени и во Јемен или на други места, а на Интернет се распространува многу неточна информација. За време на сегашната информативна војна, ве молам бидете многу повнимателни, пред да судите на основа на тие неверодостојни извори, повика тој.