среда, 29 март 2017  |  Вести денес: 0

Пет членови на кубанската ватерполо репрезентација пребегаа во САД

vaterpolo

Последни вести

Пет ватерполистки од кубанската репрезентација пребегале во САД, за време на подготовките во Мексико.

Засега не се знае дали сите кои пребегале, се репрезентативки, но весниците тврдат дека еден од бегалците бил тренерот на женската репрезентација.

Ватерполистките и членовите на стручниот штаб, од почетокот на овој месец биле на подготовки во спортскиот центар во градот Монтереј, во североисточно Мексико.

Во овој спортски центар тие се подготвувале за квалификациониот турнир во женско ватерполо за Олимписките игри ова лето.

Турнирот ќе се одржи во Холандија, во март, но не се знае, дали по овој инцидент, Куба воопшто ќе учествува на квалификациите, затоа што веднаш по бегството на пете членови на репрезентацијата, другите биле веднаш вратени во Хавана.

Инцидентот со бегството на ватерполистките се случи само два дена по бегството во САД и на двајца кубански играчи на бејзбол.

Двајцата биле на едно натпреварување во Доминиканската Република, но од таму прво „исчезнале„ а потоа им се јавиле на своите најблиски во Куба, од „непозната локација„ во САД.

Во декември 2014 година, Хавана и Вашингтон ги обновија дипломатските односи, но кубанските спортисти продолжија и понатаму да користат секоја прилика за да пребегаат во САД.Се верува дека причина за тоа се огромните хонорари што прфесионалните спортисти ги добиваат во американските клубови.

Најчитани вести