Свет

Пет дронови забележани на повеќе места во Париз

Пет дронови забележани на повеќе места во Париз

Пет беспилотни летала биле забележани во текот на минатата ноќ на повеќе места во Париз, меѓу кои и над американската Амбасада, јави дописникот на МИА од Париз.

Прелетувањето е забележано меѓу полноќ и шест часот изутринава. Меѓу места на кои се регистиррани леталата се и амбасадата на САД, плоштадот Конкорд и Ајфеоловата кула.

Првиот дрон бил забележан во близината на Амбасадата на САД веднаш по полноќ. Но, истовремено други дронови ги прелетале и Ајфеловата кула и плоштадот Конкорд, што според истражните органи, укажува дека се работи за координирана акција.

Ноќта меѓу 19 и 20 јануари биспилотно летело прелета и над Елисејската палата.

Оваа нова појава на беспилотни летала доаѓа по минатогодишното редовно надлетување со дронови над француските нуклеарни централи.