Крими хроника

Пет лица повредени во сообраќајката на Стража, патот затворен

Пет лица повредени во сообраќајката на Стража, патот затворен

Пет лица се повредени во тешката сообраќајна несреќа која утрово околу 9:15 часот се случила на патот Кичево-Скопје кај превалецот Стража.

Од СВР Охрид за „Република“ информираат дека во сообраќајката учествувале две патнички моторни возила, „мерцедес“ со италијански регистерски таблички и „голф“ со скопски, а сообраќајката се случила на кичевската страна на патот.

Повредени се пет лица кои се префрлени во кичевската болница, а едно потешко повредено лице, поради сериозноста на повредите, ќе биде префрлено на скопските клиники.

Увид на местото вршат полициски екипи и јавен обвинител.

Од Автомото сојузот на Македонија информираат дека сообраќајот е во прекин во двата правци.