Премиерот Груевски од Тетово истакна дека земјоделците секогаш ќе имаат полно внимание. Тој потенцира дека за помош при купување на земјоделска механизација и за изградба на локална инфраструктура во селата се инвестирани 2 милиони евра.
– Во тетовско-гостиварскиот регион во изминатите години земјоделците добија над 30 милиони евра субвенции, односно по околу 5 милиони евра годишно. И оваа година полошките земјоделци ќе добијат нови 5 милиони евра за субвенции. Значајно за овој регион е и тоа што веќе започнавме активности за изградба на Хидросистемот Равен-Речица со кој ќе се овозможи наводнување на нови 3 200 хектари земјоделско земјиште и вредност на инвестицијата од 19 милиони евра, рече Груевски.