Судир меѓу пет возила во Аеродром. Двајца возачи се повредени во сообраќајна несреќа во која учествувале пет возила во скопски Аеродром, пишува „Курир“.
Несреќата се случила на раскрсницата со булеварите „Трета македонска бригада“ и „Србија“, а во истата учествувале три патнички и две товарни возила, од кои четири со скопски едно со струшки регистерски ознаки.
Според првичните информации повредени во сообраќајката се возачите на „Рено Меган“ и „Опел Вектра“ кои се пренесени во Ургентен центар, но засега нема детали за нивната здравствена состојба.
Полициски екипи се на терен и во тек е увидот.