петок, 26 мај 2017  |  Вести денес: 20

Петкратно убиство во кафуле кај Зрењанин

Пет лица се убиени, а 20 ранети ноќеска во местото Житиште, крај Зрењанин, кога лицето З.С. (38) влегло во кафулето „Макијато“ и истрелало повеќе куршуми од автоматско оружје, соопшти српското МВР, а пренесе MИА, повикувајќи се на Танјуг.

srpska-policija-640x427

Поврзани вести

Пет лица се убиени, а 20 ранети ноќеска во местото Житиште, крај Зрењанин, кога лицето З.С. (38) влегло во кафулето „Макијато“ и истрелало повеќе куршуми од автоматско оружје, соопшти српското МВР, а пренесе MИА, повикувајќи се на Танјуг.

Тешкото убиство се случило околу 01.40 часот, а З.С. испукал повеќе истрели од автоматското оружје и притоа ја убил својата сопруга и уште едно женско лице, по што продолжил да пука врз сите кои во тој момент се наоѓале во кафулето, наведува МВР.

Припадници на Министерството за внатрешни работи го уапсиле З.С, а увидот е се уште во тек, се наведува во соопштението.

Четири лица се здобиле со тешки повреди, а меѓу ранетите најмалку тројца се малолетници. Љубоморниот маж пукал од калашњиков и притоа ја убил својата сопруга и веројатно нејзината пријателка. Од петте жртви две починале на лице место, а три на повредите им подлегнале во зрењанинската болница.

Повредените се згрижени во зрењанинската болница, додека три лица се префрлени во Клиничкиот  Центар Војводина, а едно во Сремска Каменица.

Припадниците на полицијата и натаму го истражуваат објектот, а се очекува и доаѓање на министерот за внатрешни работи Небојша Стефановиќ.

До убиството дошло за време на традиционалната манифестација „Пиле фест“.

Најчитани вести