Балкан

Петнаесетгодишно девојче се обиде да се самоубие

Петнаесетгодишно девојче се обиде да се самоубие

Петнаесетгодишната Д.Р. вчера се обидела да изврши самоубиство скокајќи од Панчевачки мост во Дунав.

Таа се одлучила на овој чекор само четири дена пред својот роденден, а за среќа била спасена од речниот рибар Ренато Грбиќ, кој досега има спасено неколку животи.

– Ја видов девојката која на мостот беше со некое момче. Се прегрнуваа и бакнуваа но истовремето и се туркаа, па веднаш помислив дека нешто може да тргне наопаку. Така и беше, бидејќи девојката во еден момент скокна од мостот во реката. Мојот келнер и јас веднаш отидовме до чамецот и брзо стигнавме до неа.  Пливаше, беше при свест, и се фати за чамецот, јас ја фатив за раце и полека ја кренав во чамецот, истакнал за Курир, човекот на кој оваа му се 26-тиот спасен човечки живот.

Ренато Грбиќ работи во близина на мостот и досега бил сведок на повеќе вакви настани.

– Почна да плалче и да вели дека сака да се убие. Ја прашав зошто тоа го направи, и реков дека е млада и дека животот е пред неа, а таа ми рече дека нејзиниот татко починал пред 12 години. Ја однесовме во мојот ресторан, што е близу до мостот, каде веќе имаше еден полицаец. Дојде и мојата жена Гоца да го смири девојчето и да поразговара со неа. И направивме чај и ја покривме со ќебе, додал Грбиќ.

Во меѓувреме дошле и речната полиција и брзата помош и ставиле лангета околу вратот и ја префрлиле во Ургентниот центар.