недела, 23 април 2017  |  Вести денес: 1

Петровски: На Заев му е ветено да биде новиот Коте од Руља

Време е некој да му каже. Со вакво однесување, тој стопроцентно ќе загуби од македонскиот електорат – јасно посочи Петровски.

filip-petrovski-1

Последни вести

Филип Петровски при гостувањето во емисијата „Пулт“ во РСМ, заедно со водителката Славица Арсовска ги разјаснува политичките случувања во земјава.

Идеологијата на Зоран Заев за спроведување на двојазичност во Македонија наиде на негативни ефекти во јавноста, посебно поради неговите претходни изјави во кои јасно стави до знаење дека Македонците треба да го изучуваат албанскиот јазик во училиштата, додека пак учениците во албански училиште би требале само албанскиот јазик да го изучуваат, ставајќи акцент дека зад ова стојат ставовите на СДСМ за демократско и мултикултуролошко општетсво (во кое нема место за пропагирање на правата и на другите малцинства во Македонија).

На овој потег, Петровски одговори со историска паралела:

-Карвангелис бил пратен во Егејска Македонија за да создаде поделба на Македонија. Сфатил дека е силно македонското движење, а Грција не го поддржувала со доволно средства. Затоа му требал предавник за да ги разниша темелите на македонското битисување. Каравангелис ветил дека ќе ги школува децата на Коте од Руља.

Му ги школувал децата, им ветил дека ќе бидат елита. На Заев му е ветено да биде новиот Коте од Руља. Чакаларов го чекаше Коте од Руља за да му пресуди. Оваа земја нема право да ја дели и е земја на македонскиот народ.

Понатаму, тој потсети дека Асномска Македонија ја граделе заедно десничари и левичари.

– Не е ова бенигно однесување, ниту политичко. Ова е опасна концепција. Да ве потсетам, во 2001 година е донесен Рамковен договор на штета на македонскиот народ, а корумпираните политичари беа принудени да го потпишат. Тој е поголем од правото на Србите во Хрватска да постават табла на српски. Овде треба да бидат 20 проценти за да остварат права. Во Хрватска треба 1/3 за да се оствари позитивна дискриминација, а кај нас е 1/5 за да се спречи војна. Се спречи војна и се постави корпус од кој нема бегање.

Дали сме ние како држава со најмногу права за малцинствата во Европа? Дајте да направиме компаративни анализи. Како е во Грција, како во Франција, во Бугарија? Дали знае во каков ризик ги става народот и државата. Време е некој да му каже. Со вакво однесување, тој стопроцентно ќе загуби од македонскиот електорат – јасно посочи Петровски.

Најчитани вести