Петровски: Некој сака да не тргне од фајнл – форот

Ракометарите на Металург загубија на гостувањето кај Мешков (Брест) со 27:24 и паднаа на петтото место на табелата во СЕХА Лига.  Но, по натпреварот своето незадоволство од судењето го изрази помошник тренерот Александар Петровски.

„Сакам да и честитам на екипата на Брест за победата. Трета година ја поддржуваме лигата, но некој постојано сака да го тргне Металург од фајнл фор турнирот. Судиите беа џелати и на денешниот натпревар. Тие постојано разговараа со нашите ракометари и постојано гледаа кон резултатот. Но, сакам да истакнам дека победата на Брест е чиста. Имавме долго патување и во Белорусија бевме шест дена. И после се некој така да не малтретира. Не смее да биде важно кој игра, Загреб, Татран или ние, важно е во фајнл – форот да се најдат тие што тоа го заслужиле, без заткулисни игри. Бараме нашиот труд да се цени правилно“, изјави помошник тренерот на Металург, Александар Петровски.

 

Доколку преземете содржина од оваа страница, во целост сте се согласиле со нејзините Услови за користење.