Македонија

Петстотини дадилки се здобија со лиценца за работа

Петстотини дадилки се здобија со лиценца за работа

Петстотини дадилки кои го положиле тестот за проверка на стручното знаење, добиле лиценца за работа, пренесува телевизија Сител.

Инаку со овој документ може да чуваат деца во домашни услови, а со издавањето на лиценцата министерството за труд и социјала гарантира за нивната психофизичка состојба.

-На овој начин со воведувањето лиценци се заштитуваат родителите од било какви злоупотреби, вели Дарка Петрушевска, државен советник во МТСП за детска заштита.

Бабите и дедовците кои ги чуваат внуците се во категоријата семејна грижа и за нив нема потреба од лиценца. Од друга страна агенциите за дадилки задолжително мора да ангажираат лиценцирани негователки. Законот за заштита на деца предвидува казни од 500-1000 евра ако бебиситерките немаат лиценца , а агенциите не водат евиденција за корисниците и за дадените услуги.

-За физичките лица малку е потешко да се направи контрола, зошто неможеме да влегуваме по домови, но ако има пријава тогаш ќе влеземе и ќе извршиле контрола, вели Петрушевска.

Министерството за труд и социјала издало и 2800 лиценци за директорите и вработените во градинките. И за нив важат истите критериуми како и за дадилките. Лиценците за физичките лица важат 5 години, а за да им се обнови задолжително мора да поминат 10 часа обука.