Свет

„Пинк Пантер“ го извршиле најголемиот грабеж во Велика Британија

„Пинк Пантер“ го извршиле најголемиот грабеж во Велика Британија

Членови на криминалната група „Пинк Пантер“, маскирани во ѓубреџии го извршиле најголемиот грабеж во Велика Британија.

Тие украле злато и пари од 72 сефови и ги изнеле во вреќи за ѓубре. Се проценува дека биле украдени пари, накит и вредни предмети во вредност од 80 милиони долари, но според некои проценки оваа сума може да достигне и 300 милиони долари, бидејќи голем дел од сопствениците на сефовите не кажуваат прецизно што чувале.
Дополнително, истрагата утврдила дека во саботата бил активиран и алармот, но британските полицајци одлучиле да го игнорираат, па грабежот е откриен по завршувањето на велигденските празниици.

Се претпоставува дека имале крт во трезорот бидејќи го знаеле планот на зградата и каде да го дупчат ѕидот за да стигнат до дијамантите. Грабежот се случи ноќта меѓу 4 и 5 април кога се славеше католичкиот Велигден.

Бандата е составена  од членови од Србија, Црна Гора и Хрватска. Се смета дека извршиле повеќе од 100 грабежи во Европа, Дубаи и во Јапонија.