вторник, 29 ноември 2016  |  Вести денес: 67

По 80 години храмот „Св. Јован Крстител“ ќе добие фрескоживопис

Вредноста на донацијата за изработка на фрескоживописот е во висина од 4 милиони денари. Во следната фаза, Фондацијата „Илија Камчев“, како поддржувач на широк спектар општествени иницијативи, ќе го финансира и партерното уредување, како и надворешниот простор на црквата.

crkva

Последни вести

Со помош на Фондацијата „Илија Камчев“, по осум децении во храмот „Св. Јован Крстител“ во Скопје ќе биде насликан фрескоживопис, на површина од 478 квадратни метри. Изведувањето на работите од страна на стручниот тим во внатрешноста на црквата е започнато, а рокот за завршување е 2017 година.

Вредноста на донацијата за изработка на фрескоживописот е во висина од 4 милиони денари. Во следната фаза, Фондацијата „Илија Камчев“, како поддржувач на широк спектар општествени иницијативи, ќе го финансира и партерното уредување, како и надворешниот простор на црквата.fondacija-ilija-kamchev

– Горди сме и благодарни што имаме чест да ја поддржиме иницијативата за реконструкција на црквата „Св. Јован Крстител“. Изработка на фрескоживописот ќе остане како симбол на едно време, сведок на нашето постоење и вреден артефакт во поновата историја. Со помош на уметноста ќе може да го изразиме заедничкиот стремеж кон убавото и возвишеното – тоа е наша чест, обврска и подарок за идните поколенија, изјави  Јордан Камчев, претседател на Фондација „Илија Камчев“.

– Благодарни сме за оваа богољубива и родољубива постапка на г. Камчев и фондацијата што ја предводи. Вложувањето во едно вакво дело, претставува вложување во вековната духовна историја на македонскиот народ, во неговото  минато, но и во иднината. Зашто ако не се сеќаваме на нашето духовно и културно минато и ако не го унапредуваме и создаваме, според примерот на нашите предци, и во иднината, тогаш и не можеме да размислуваме за нашиот опстој и за нашата уникатност. Воодушевен од желбата да Му изгради храм на Бога, но говорејќи и за тоа дека и секој човек треба да направи од себе храм на Бога, старозаветниот псалмопејач извика: „Господи, го засакав благолепието на Твојот дом, местото каде што пребива славата Твоја.“ (Пс. 25, 8). Така ова добро дело е во таа насока, да се направи дом на Бога каков што доликува на Неговото величие и слава – изјави Архиепископ охридски и македонски г. г. Стефан.

Најчитани вести