Почна асфалтирањето на дел од делницата на автопатот Кичево-Охрид, кај селото Врбјани.
Изградбата на автопатот Кичево-Охрид воедно претставува најголем инфраструктурен проект. Станува збор за инвестиција во вредност од 375 милиони евра.
Со завршувањето на овој проект Кичево и Охрид ќе се поврзат со автопат во должина од 57 километри, кој треба да го олесни и забрза транспортот на патници и стока и да придонесе за економски и туристички развој.
Активностите за изградба на автопатот започнаа во февруари минатата година со поставување камен-темелник кај кичевското село „Извор“ .
На поставувањето на камен-темелникот присуствуваше премиерот Никола Груевски, како и дел од министрите во владата, амбасадори, градоначалници.
