Македонија

Почна изградбата на фабриката на „Маркарт“ во Велес

Почна изградбата на фабриката на „Маркарт“ во Велес

Kомпанијата „Маркарт“ од Германија почна со изградба на фабриката во Велес, во која треба да се вработат 600 лица.

– Ова е прва странска инвестиција во Велес по 24 години. Изградбата треба да заврши во првиот кваратал од 2015 година, а по што ќе почне производство на автомобилски делови, истакна на прес-конференција Мартин Мајсторов портпарол на Општина Велес.

Фабриката се гради во новоформирана Индустриска зона Караслари, а ќе произведува електронски продукции со висока технологија како составни делови за врвни германски брендови на автомобили, како Мерцедес, Ауди и БМВ.

Според Мајсторов ова е историска пресвртница за Велес.

Германската групација Маркарт која е основана во 1925 година, досега има отворено компании во девет земји ширум светот и во нив работат повеќе од 7.000 лица.