Почна отпочеток судењето за „Диво насеље“

Почна отпочеток судењето за „Диво насеље“
Почна отпочеток судењето за „Диво насеље“

Ново судско рочиште против обвинетите за тероризам во случајот „Диво насеље“, почна денеска во големата сала на Врховниот суд.

Целата постапка стартува одново откако судот на почетокот на април донесе одлука „Диво насеље“ да се спои со случајот „Молња“, односно со логистичарите кои беа уапсени пред неколку месеци. За настаните од „Диво насеље“ обвинети се 29 лица, а како логистичари осум лица.

Како и на претходното судење, сите обвинети и денеска ги отфрлија обвинувањата односно негираа дека се терористи, а како невини се изјаснија и уапсените во акцијата „Молња“.

Според Обвинителството, обвинетите се виновни за делата за кои се товарат, а прибавените докази неоспорно укажуваат дека голем дел од обвинетите се познавале и имале континуирани контакти. Обвинетите биле идентификлувани со криминалистичко вештачење, односно со совпаѓање на материјалните докази најдени на самото место.

Адвокатите на обвинетите, пак, го оспоруваат вештачењето со образложение дека го направило МВР, истиот орган што ги тужи обвинетите. Бараат тоа да го направи независна институција.

Судењето за „Диво насеље“ се одржува во големата сала на Врховниот суд, бидејќи во Основниот суд Скопје 1 нема просторни и безбедносни услови за одржување на судењето во кое има голем број обвинети.

Судењето претходно беше два пати одложувано, на 31 мај бидејќи судската полиција на Врховниот суд не им дозволи на адвокатите на обвинетите во процесот да влезат во салата, и на 27 мај поради болест на судијката Верка Петковска.

На 9 и на 10 мај 2015 година во кумановската населба Диво насеље вооружена група се судри со безбедносните сили. Во престрелката загинаа осум полицајци од специјалните и посебните единици на МВР, додека четириесетина беа тешко повредени.  Убиени беа и десет лица од вооружената група.

Доколку преземете содржина од оваа страница, во целост сте се согласиле со нејзините Услови за користење.