Почнаа геодетски мерења за проектот „Купи куќа за млади“

Почнаа геодетски мерења за проектот „Купи куќа за млади“
Почнаа геодетски мерења за проектот „Купи куќа за млади“
Геодетски тимови на Катастарот денеска почнаа теренски активности на повеќе локации за подготовка на ажурирана геодетска подлога со што стартува урбанизацијата на парцелите коишто ќе се продаваат преку проектот „Купи куќа за млади“ со почетна цена од евро за метар квадратен.

Геодетски подлоги Катастарот ќе изготвува за локации во 36 општини на површина од 700 хектари, од кои најголемиот дел планира да ги заврши до средината на следниот месец, а целосно до крајот на август годинава.

– Ажурираните геодетски подлоги ќе бидат доставени до Агенцијата за просторно планирање која понатаму треба да ги изготви урбанистичките планови, општините да ги усвојат на советите за да можат да се понудат на продажба од евро за метар квадратен, информира директорот на Агенцијата за катастар на недвижности Славче Трпески, кој присуствуваше на премери во општина Сопиште.

sopiste kupi kuka za mladi2

Катастарот е надлежен за 36 од 66-те општини за кои се определни точните локации каде ќе се градат населбите од проектот „Купи куќа за млади“. Станува збор за општините во Скопје, Битола, Гевгелија, Пробиштип, Охрид, Велес, Берово, Василево, Босилово, Ново Село, Свети Николе, Лозово, Кавадарци, Штип…Останатите 30 локации ќе ги урбанизира Министерството за транспорт и врски.

sopiste kupi kuka za mladi3

Ажурирањето на податоците во Сопиште, каде ќе се изработува урбанистички план за 100 градежни парцели на вкупна површина од 31 хектар, како што рече Трпевски, Катастарот ќе го заврши до крајот на следниот месец. Нивната продажба градоначалникот Стевче Трковски ја најавува за следната година.

sopiste kupi kuka za mladi5

– Парцелите се со површина од 300 до 700 метри квадратни, по донесувањето на деталниот план со помош на  Владата ќе почнеме со уредување на инфраструктурата, изградба на патиштата, водовод и канализација, за на крај да почнеме со јавна продажба со почетна цена од евро за метар квадратен, изјави Трпковски.

sopiste kupi kuka za mladi1

sopiste kupi kuka za mladi4

Преку проектот „Купи куќа за млади“, младите до 35 години можат да добијат до 33.000 евра субвенции – неповратни средства од Владата  за купување, изградба или надградба на куќа.

Доколку преземете содржина од оваа страница, во целост сте се согласиле со нејзините Услови за користење.