Македонија

Почнува расправата за ребалансот на Буџетот во Собранието

Почнува расправата за ребалансот на Буџетот во Собранието

Расправата за Предлог ребалансот на Буџетот за 2016 година почнува денеска на собраниската Комисија за финансирање и буџет.

Со ребалансот се предвидува намалување на растот на БДП од 4 на 2,3 проценти поради политичката криза, а капиталните инвестиции остануваат на високо ниво и сите предвидени проекти, како што најави министерот за финансии Кирил Миноски, ќе продолжат да се реализираат.

Со ребалансот се предвидени и средства за исплата на плати, пензии, социјални трансфери и за субвенции за земјоделците.

На приходната страна има намалување на проекциите за околу 2 проценти или за 3 милијарди денари, додека на расходната страна има намалување за 804 милиони денари. Со ребалансот се зголемува и буџетскиот дефицит од проектираниот 3,2 проценти со буџетот на 3,6 проценти од БДП и ќе изнесува 2,1 милијарди денари.