Поетесата Елена Пренџова добитник на наградата „Даница Ручигај“

Поетесата Елена Пренџова е добитник на наградата „Даница Ручигај“ за најдобра стихизбирка од авторка, членка на македонската писателска асоцијација.

Друштвото на писатели на Македонија и ја додели наградата на Пренџова за стихозбирката „Политички коректна“, објавена од „Матица македонска“.

Наградата се состои од плакета и таа ќе биде врачена во јуни, на посебна свеченост во Друштвото на писателите на Македонија.

Селекторот за доделување на наградата „Даница Ручигај“, поетот и литературен критичар Санде Стојчевски, во образложението пишува: „Творечките особености и квалитети во новата поетска книга на Елена Пренџова ја зацврстуваат оваа суптилна и бескомпромисна поетеса во редот на најосведочените лиричарки што ја красат нашата поезија, од кои едно од првите места и припаѓа на незаборавната Даница Ручигај“.

– Доделувањето на наградата е дел од активностите на Клубот на писателките, членки на ДПМ, што го носи името на познатата македонска поетеса Даница Ручигај. Признанието годинава се доделува првпат, соопшти ДПМ.

Доколку преземете содржина од оваа страница, во целост сте се согласиле со нејзините Услови за користење.