Погответе солена торта од зеленчук

Солената торта од зеленчук е навистина вкусна, здрава, а и изгледа преубаво.

Потребни состојки:

 

  • околу 1 кг компири
  • 2 конзерви туна
  • 300 гр моркови
  • 2 цвекло
  • 2 главици кромид
  • половина китка магдонос
  • околу 200 гр маслинки со пиперки
  • 1 лимон
  • по вкус сол и црн пипер
  • по потреба маслиново масло

 

Начин на подготовка:

Цвеклото, компирите и морковите се варат не лупени, потоа изладени се лупат.

Кон компирите се додава исецканиот магдонос, сок од лимон, солта и пиперот, и се гмечи како за пире. По потреба се додава малку вода од сварените компири.

Туната се гмечи со вилушка, морковите и цвеклото посебно се рендаат, кромидот се сецка колку може поситно, а маслинките се сецкаат на тенки кругови.

Салатата се реди – прво на чинијата се реди околу третина од пирето, потоа се нанесува туната и се попрскува со маслиново масло, а врз неа се нанесува кромидот. Потоа се нанесува уште од пирето, а врз него изренданото цвекло и повторно се попрскува со маслиново масло. Врз цвеклото се нанесува малку од пирето, а потоа морковите. Салатата се покрива со преостанатото пире и се украсува одозгора со маслинките.

Извор: moirecepti.mk

Доколку преземете содржина од оваа страница, во целост сте се согласиле со нејзините Услови за користење.