ТОП,Македонија

Пола Скопје без вода до 22 часот вечерва

Пола Скопје без вода до 22 часот вечерва

Денес поголем дел од Скопје ќе остане без вода цели 21 час. Прекинот во водоснабдувањето што ќе трае од 1 часот по полноќ па се’ до 22 часот ќе настане поради технички зафати во водоводната мрежа.

Без вода се корисниците од Бардовци, Визбегово и индустриската зона покрај Качанички Пат, Шуто Оризари, Бутел 1, Бутел 2, населбата и селото Радишани, Кучевишка Бара, Чаир, населбите Скопје-Север и Топанско Поле. Без вода ќе бидат и касарната „Илинден“, високата зона на Кале во делот на Француски гробишта, високата зона на Гази Баба, населбата Железара, како и индустриските корисници во кругот на „Рудници и железарница“ и високата зона на населбата Автокоманда.

Од Јавното претпријатие „Водовод и канализација“ им порачуваат на корисниците да обезбедат потребни резерви на вода. За сите други информации граѓаните можат да се јават во Дежурно-информативниот центар на „Водовод“ на телефонскиот број 02 3073-010.