По немилиот настан кој се случи пред десетина дена во скопската населба Ѓорче Петров, во кој беше убиен матурантот Ангел Петковски, што предизвика револт и протест на граѓаните од оваа скопска населба, премиерот Никола Груевски денеска во изјава за медиумите најави дека полицијата интензивно ќе работи на терен.
Тој рече дека е запознает со ситуацијата која се случува во Ѓорче Петров и дека веќе одржал средба со надлежните во Министерството за внатрешни работи.
„Запознаен сум со состојбата, веќе разговарав со надлежните во МВР и уште веднаш ќе почне да се делува на терен и полицијата да ги решава случаите“, рече Груевски.
