четврток, 23 март 2017  |  Вести денес: 0

Полициска акција против салафистичка мрежа во Бремен

акција

Последни вести

Германската полиција извршила претреси во девет домови и канцеларии на луѓе поврзани со Салафистичкото движење во градот Бремен.

Во рамки на акцијата за засилена контрола и проверки на осомничени исламски радикали полициски специјалци од Берлин, Хамбург, Мекленбург – Западна Померанија и Шлезвик Холштајн пребарувале локации во 4 дела од Бремен кој е едeн од трите градови – покраини во Германија, пренесува МИА.

Засега нема информации за уапсени исламисти во акцијата која што се случила рано наутро околу 6 часот. Во текот на денот се очекува прес конференција на јавниот обвинител во Бремен кој треба да даде детали за акцијата. По нападите во Париз и Брисел германската полиција ги зголеми мерките за контрола на исламските радикали особено тие за кои што има индиции дека се поврзани со поддршка и финансирање на терористички групи.

Во Германија има околу 8.000 припадници на салфистичкото исламско учење кое се смета за екстремистичка интерпретација на сунитскиот ислам кое што од страна на властите се смета потенцијална опасност за безбедноста на земјата.

Најмалку двесте припадници на ова движење биле дел од Исламска држава или други милитантни групи во Сирија и Ирак а голем дел од нив веќе се вратени во Германија. Според службите за безбедност во Германија има 1.100 радикални исламисти кои што се сметаат за потенцијална опасност за стабилноста на земјата.

Најчитани вести