четврток, 24 ноември 2016  |  Вести денес: 41

Полска нема да прими бегалци од Италија

Слични проблеми „за неможност од ефикасна проверка“ се појавија и при контактите со Грција, од каде Полска, исто така, се подготвуваше да прифати бегалци, забележа министерството.

germanija-begalci

Последни вести

Откажано е преселувањето во Полска на бегалците кои во моментов се наоѓаат во Италија, денеска соопшти Министерството за надворешни работи во Варшава, пренесоа полските медиуми, цитирани од ТАСС.

„Причината е што не успеавме да обезбедиме доволно безбедносни гаранции, што се приоритет за полската Влада“, посочи Министерството и објасни дека „немаше можност за соодветна проверка на кандидатите“ и потврдување на нивниот идентитет.

Слични проблеми „за неможност од ефикасна проверка“ се појавија и при контактите со Грција, од каде Полска, исто така, се подготвуваше да прифати бегалци, забележа министерството.

Во рамки на европската програма за пререгистрација на нелегалните мигранти, кои пристигнаа во ЕУ, Полска минатото лето презеде обврска во следните две години да прифати 7.000 бегалци.

Полските власти засега најавуваат дека се подготвени годинава да сместат само 400 лица. Првите 100 од нив, 65 од Грција и 35 од Италија, на полска територија требаше да пристигнат уште во март, но по бриселските атентати премиерот на Полска, Беата Шидло, изјави дека нејзината земја се уште не е подготвена да прими бегалци, напомена ТАСС.

Последно во оваа категорија

турција

ЕП ќе гласа за замрзнување на преговорите за членство на Турција во ЕУ Членовите на Европскиот парламент денеска ќе гласаат за можно замрзнување на преговорите со Турција за челнство во ЕУ, јави ДПА. Иако гласањето ќе привлече големо медиумско внимание, тоа нема да биде конечната одлука по прашањето за преговорите на Турција за пристапување кон ЕУ. Тоа е така бидејќи преговорите за членство ги води и за нив решава Европската комисија, а не Европарламентот. Европратениците, кои се избираат од гласачите на ЕУ на секои пет години, можат да донесуваат закони на ЕУ заедно со другите држави членки, но тие немаат ингеренции по прашањата поврзани со надворешната политика. Денешното гласање може да испрати силен политички сигнал, но нема да има право обврзувачко влијание врз одлуката на Комисијата во врска со преговорите за членство на Турција. Согласно директивите на ЕК за преговорите, „сериозното и постојано нарушување“ на европските вредности, меѓу кои и непочитувањето на „основните слободи и владеењето на правото“ можат да станат причина за привремен прекин на преговорите. Што е точно значи „сериозно“ и „постојано“ остава отворен простор за различни интерпретации, оценува ДПА. Во случај на прекршување, се очекува ЕК да препорача замрзнување на преговорите и потоа да бидат наведени условите, со кои преговорите можат да бидат обновени. Во таков случај, 28-те земји членки на Унијата тогаш ќе треба да гласаат по препорака на Комисијата. За да биде прифатен предлогот, неопходно е одобрение од најмлаку 16 членки, во кои живеат најмалку 65 отсто од граѓаните на ЕУ.

Најчитани вести