Намалувањето на трошоците на живот во февруари во однос на јануари годинава е резултат на пониските индекси на свежиот и разладениот зеленчук, освен компирот, за 16,3 проценти, свежото и разладеното овошје за 5,3 проценти, полномасното млеко за 0,8 проценти, другите преработки од месо за 0,3 проценти, лебот и житата, јајцата и маслото и маснотиите за 0,2 проценти.
Статистиката евидентира пониски трошоци на животот и кај авионскиот превоз на патници за 31,5 процент, собирањето смет за 4,7 проценти, туристичките пакет-аранжмани за 3,8 проценти, течните горива за домаќинствата за процент, отпадната вода за 0,9 проценти, играчките, игрите и хобија за 0,8 проценти, велосипедите за 0,7 проценти, мебелот за домаќинствата за 0,5 проценти, материјалите за одржување и поправки на станот, услугите за лична хигиена и предметите за лична хигиена и здравје за 0,2 процента.
Според ДЗС, пораст на трошоците на животот во февруари во споредба со јануари годинава, е забележан кај замрзнатите морски плодови за 4,3 проценти, безалкохолните пијалаци за 1,8 проценти, другите преработки од риба и морските плодови за 1,7 проценти, другите млечни производи за процент, шеќерот, џемот, медот, чоколадата и кондиторските производи за 0,7 проценти, сувото овошје и јаткастите производи за 0,4 проценти, месото и замрзнатото овошје за 0,3 проценти, сирењето и урдата, сушеното, соленото и чаденото месо, замрзнатиот зеленчук, освен компири, и другите прехранбени производи за 0,2 проценти.
Во февруари, исто така, пораст на трошоците на животот е забележан и кај весниците, книгите и канцеларискиот материјал за 4,6 проценти, гасот за домаќинствата за 4,3 проценти, болничките услуги за 3,5 проценти, телефон и телефакс апаратите и телефон и телефакс услугите за 3,4 проценти, градините, растенијата и цвеќињата за 1,8 проценти, резервните делови и опремата за сопствен превоз за 1,3 проценти, средствата за чистење и одржување на станот и угостителските услуги за еден процент, лековите и информатичката опрема за 0,9 проценти, облеката за 0,6 проценти, обувките за 0,5 проценти, цврстите горива за домаќинствата, големите апарати за домаќинствата и другите услуги за опрема за сопствен превоз за 0,4 проценти, услугите за одржување и поправки на станот, снабдувањето со вода и услугите за рекреација и спорт за 0,3 проценти..
