Времето ќе биде сончево и многу топло, особено во првата половина од денот. Во попладневните часови ќе настапи преодно зголемување на облачноста со локален пороен дожд, грмежи и засилен северен ветер кои повеќе ќе бидат застапени во западните и северните делови од земјата.
Утринската температура ќе се движи од 14 до 22 степени, а дневната од 33 до 39 степени.
Во Скопје слично време, претпладне сончево и многу топло. Попладне ќе настапи преодно зголемување на облачноста со локален пороен дожд, грмежи и засилен северен ветер. Утринската температура ќе се спушти до 17, а дневната ќе се искачи до 35 степени.
УВ-индексот ќе изнесува 9.
Утре претпладне ќе преовладува облачно време со сончеви периоди кога се уште ќе има локални врнежи од дожд со појава на ретки грмежи, а ќе дува и умерен до засилен северен ветер кој ќе услови опаѓање на температурата која ќе се движи помеѓу 28 и 35 степени.
Од сабота следува период на стабилно време со благ пораст на дневната температура.
