Свет

Поплави во Џакарта, евакуирани 6.000 жители

Поплави во Џакарта, евакуирани 6.000 жители

Поради обилните монсунски дождови, што паѓаат десетина дена, во главниот град на Индонезија Џакарта се поплавени голем број населби, а властите до денеска евакуираа над 6.000 жители.

Поради најавите дека силните дождови во ова подрачје ќе паѓаат најмалку уште една недела, гувернерот на Џакарта нареди мобилизација на силите за спасување и определи 28 локации од кои што ќе се координира акцијата за заштита од поплавите.

Со десет милиони жители во градското подрачје и уште толку во предградијата и сателитските населби, Џакарта е најголем, но и најгусто населен град во Азија.

Големиот број нови згради и сообраќајници подигнати во последниве 10 години на градот му даваат современ лик, но ги запреле природните текови на излевањето на водата кои ја чуваа Џакарта од поплави.