Попоски: „Брегзитот“ значи загуба на еден поддржувач на процесот на проширување

Министерот за надворешни работи Никола Попоски по повод одлуката на Велика Британија за излез од Европската унија смета дека станува збор за одлука единствено на британските гласачи и даночни обврзници и оти каква и да е треба да се почитува.

Според него таквото сценарио за ЕУ значи загуба на значајна земја членка, а за Балканот и за Македонија загуба на еден поддржувач на процесот на проширување.

Очигледно треба да се чујат и забелешките на тие кои ценат дека постои демократски дефицит во носење на некои политички одлуки за Европа. Во Македонија треба да продолжиме да го правиме тоа што нам ни е во интерес и нам ни одговара: да бидеме конкурентни и вклучени во рамки на најбогатиот заеднички пазар во светот и со тоа да создаваме подобри можности за работа и стандард на Македонските граѓани во Македонија, вели во изјавата објавена на веб-страната на Министерството за надворешни работи.

Доколку преземете содржина од оваа страница, во целост сте се согласиле со нејзините Услови за користење.