Македонија

Попоски ќе учествува на неформалниот состанок на ПСЈИЕ во Тирана

Попоски ќе учествува на неформалниот состанок на ПСЈИЕ во Тирана

Министерот за надворешни работи Никола Попоски, утре во Тирана ќе учествува на неформалниот состанок на министрите за надворешни работи на земјите-членки на Процесот за соработка на Југоисточна Европа (ПСЈИЕ).

Како што соопштуваат од МНР, се очекува Попоски да има свое обраќање во кое ќе ги изнесе погледите на Република Македонија во однос на унапредување на регионалната соработка, особено во форматот на ПСЈИЕ. Од особено значење е поврзувањето на регионот преку развивање и модернизација на инфраструктурата, што би поттикнало зголемен економски развој, трговија и привлекување на странски инвестиции за сите земји во регионот.

Во рамките на состанокот, во присуство на високи претставници на Европската унија и генералниот секретар на РСС, се очекува да се потпише и Заедничка  изјава против било какви акти на тероризам.