Попоски: Продолжуваме со субвенции граѓаните да се стекнат со сопствен дом

Државата има издвоено над 28 милиони евра за субвенционирање на кредити со кои е помогнато на повеќе стотици семејства да се стекнат со сопствен дом, вели Никола Попоски, носител на листа во првата изборна единица од ВМРО-ДПМНЕ.

-Продолжуваме со оваа активност. Имаме предвидено сите општини да изнајдат најмалку 100 локации на нивната територија каде може да се реализираат нови куќи и станови и по пат на јавно наддавање со почетна цена од едно евро по метар квадратен да може да се стекнат и со државно земјиште, истакна Попоски.