Поради дожд пренасочен сообраќајот на автопатот Гостивар-Тетово-Скопје

Поради обилни врнежи од дожд утринава патничкиот сообраќај на автопатот Гостивар – Тетово – Скопје поточно од клучката Југ е пренасочен преку тетовското градско подрачје до клучката Север.

Поради невремето што го зафати скопскиот регион од саботата во прекин е и сообраќајот по скопската обиколница од клучката Хиподром до клучката Сарај.

На останатите државни патишта сообраќајот се одвива без забрани, по влажни коловози.

Авионскиот сообраќај во земјава се одвива нормално по утврдениот возен лет. Досега, според информациите објавени на веб страницата на скопскиот аеродром, се реализирани сите планирани полетувања и слетувања.

Доколку преземете содржина од оваа страница, во целост сте се согласиле со нејзините Услови за користење.