Балкан

Поради невремето, без настава ќе бидат 89 училишта во Банат

Поради невремето, без настава ќе бидат 89 училишта во Банат

Поради невремето, во 89 училишта во Банат нема настава во последните два работни дена, изјави денеска Станиша Бањанин, началник на школската управа на Зрењанин и изрази очекување дека од утре наставата ќе се одвива според планот.

Како што изјави Бањанин, поради лошото време настава немало во 69 средни и 20 основни училишта во таа област.

„Сите училишта на територијата на Зрењанин ја почитуваа одлуката на Штабот за вонредни ситуации и настава нигде не се одржуваше ниту во саботата ниту денеска, а не работат ниту претшколските установи. Поголеми оштетувања на школите нема, освен кога ветарот ги отворал прозорците и внесувал смет,“ изјави Бањанин.

Тој наведе дека во школите ќе биде постигнат договор за тоа кога и како ќе бидат надоместени овие два работни дена. Штабот за вонредни ситуации во Зрењанин одлучи да се укине вонредната ситуација па од утре ќе започне редовната настава во тој град.