Стотици лица се ангажирани во неделата вечерта во совладувањето на пожарот кој го зафати националниот парк Доњана на југозападот од Шпанија, и изнуди евакуација на повеќе од 1.800 луѓе, објавија властите.
Вкупно 550 пожарникари се мобилизирани, соопшти регионалната власт, додека службата за итни случаи наведе дека 23 авиони и хеликоптери се ангажирани во гаснењето на пожарот.
Справувањето со огнената стихија го отежнуваат ветрот и високата температура, изјавил портпаролот на службата за превенција и гасење на пожарите.
Пожарот избувнал во саботата вечерта во областа Могуера, минал преку границите на природниот резерват на биодиверзитетот Доњана, кој е под покровителство на УНЕСКО.
Според дневниот весник El Pais, центарот за одгледување на европските рисови може наскоро да биде евакуиран заедно со животните згрижени во него.
Доколку преземете содржина од оваа страница, во целост сте се согласиле со нејзините Услови за користење.