Поранешен кинески функционер осуден на смртна казна поради корупција

Поранешен висок функционер во кинеските железници е осуден на смртна казна условно поради земање мито од речиси осум милиони долари, соопшти денеска кинескиот суд, објави МИА.

Заменик-министерот за железници Жанг Шугуанг е осуден, откако поради корупцијата пред повеќе од една година иста казна му беше изречена и на поранешниот министер Ли Жиџун.

Условните смртни казни најчесто по две години се преформулираат во доживотен затвор.

Судот наведе дека Жанг заслужил смртна казна, но пресудата е ублажена бидејќи тој се покајал и оти парите од митото се пронајдени.

Целокупниот имот на Жанг, согласно одлуката на судот, е конфискуван.

Доколку преземете содржина од оваа страница, во целост сте се согласиле со нејзините Услови за користење.