Поранешниот шеф на југословенското разузнавање – Заев прави обид за „тивок државен удар“

Таканаречената бомба на Зоран Заев не е ништо друго освен обид за државен удар, и тоа таканаречен тивок државен удар во кој нема тенкови и убиства на улиците, туку се реализира на „тивок” начин со подметнување на документи и други активности кои потполно го загрозуваат уставниот поредок на Република Македонија, вели во интервју на sterna.org.mkлегенда на балканската разузнавачка заедница и човекот кој во својот работен век директно учествувал во неколку спектакуларни акции во поранешна Југославија и земјите во Европа, Божидар Спасиќ, пренесува Република.

Дотолку повеќе, вели Спасиќ, што документите кои наводно ги поседува Заев на јавноста ѝ се сервираат на „лажичка” со што, инструкторите на Заев, идејните творци на овој проект, испитуваат на кој начин ќе реагираат Владата и премиерот и кои мерки треба да ги преземат за да знаат дали треба да ја засилуваат аферата или да бегаат колку што ги држат нозете…

Поранешниот шеф на југословенското разузнавање не ја исклучува можноста дека во прибирањето на материјалите, учествувал и голем разузнавачки систем, со цел да ги застраши властите во Македонија и да покаже дека со опозицијата може да прави што сака и како сака, па дури и да ѝ помогне во прибирање на компромитирачки материјали.

Сѐ на сѐ, вели Спасиќ, афераta која во моментов е актуелна во Македонија претставува класичен пример на злоупотреба на разузнавачки податоци со цел предизвикување внатрешни судири во земјата.

Со оглед на тоа што ова не е прва афера од овој вид во Македонија, убеден сум дека и оваа ќе заврши слично како и минатите „многу врева околу ништо“, вели Спасиќ во интервјуто.

Доколку преземете содржина од оваа страница, во целост сте се согласиле со нејзините Услови за користење.