Поранешниот шеф на кампањата на американскиот претседател Доналд Трамп, ја призна вината за заговор и лажење за односите во Украина во истрагата, пренесуваат во петокот агенциите.
Спогодбата покажува дека 45-годишниот Рик Гејтс би можел да соработува со специјалниот обвинител Роберт Мјулер во истрагата околу наводното мешање на Русија во американските претседателски избори.
Гејтс се соочуваше со многу посериозни обвинувања, вклучително и банкарска измама и перење пари. Тој и поранешниот шеф на кампањата на Трамп, Пол Манафорт, кој претходно го тужеше специјалниот обвинител Мјулер за пречекорување на овластувањата и истражување странични бизниси наместо првичната цел – „руското мешање“, во петокот се соочија со нови точки од обвинението подигнато во октомври минатата година.
Меѓутоа, меѓу нив не е она дека се здружиле со Русија за да влијаат врз резултатот од американските претседателски избори од ноември 2016 година, што е основната цела на истрагата на министерството за правда на САД, во чиишто рамки делува специјалниот обвинител.
Во рамките на спогодбата, Гејтс признал дека ги лажел агентите на Федералното биро за истраги (FBI) за средбата во Вашингтон во март 2013 година со американски конгресмен на кој се разговарало за Украина и на кој присуствувал Манафорт. Но во тој период Трамп сѐ уште ја немаше објавено својата кандидатура за претседателските избори.
Кога агентите го прашал за тој состанок Украина не била тема и дека не подготвувал извештај за украинскиот раководство, се наведува во обвинението. Претходно Мјулер го обвини Манафорт и неговиот деловен партнер Рик Гејтс за перење на десетици милиони долари, добиени од лобистички активности во интерес на владата на Украина. Манафорт и Гејтс, исто така, се обвинети и дека не биле регистрирани за ваквата дејноста како странски агенти, според американскиот закон.
Сега со спогодбата за Гејтс се предлага казна меѓу 57 и 71 месец затвор.
Манафорт во соопштение порача дека „и покрај признанието на Гејтс продолжува да ја рани својата невиност“. „Се надевав и очекував дека мојот колега ќе има сили за продолжување на правната битка. Поради причини коишто допрва треба да се откријат, одлучил да постапи поинаку“, изјави Манафорт.
Тимот на специјалниот обвинител во 32 точки од обвинението тврди дека Гејтс и Манафорт сокриле од американските даночни власти над 30 милиони долари приходи. Двајцата ланскиот октомври, кога првпат беа обвинети, изјавија дека не се виновни за перење на 74 милиони долари преку сметки во офшор компании.
