Свет

Португалската полиција заплени 20 тони хашиш

Португалската полиција заплени 20 тони хашиш

Португалската полиција откри и заплени 20 тони хашиш во Средоземно Море. Во операцијата се уапсени 10 лица од различни националности.

Дрогата била откриена во рибарски брод. Екипажот на бродот се обидел да го запали бродот, кога виделе дека полицијата се приближува.

Се претпоставува дека меѓу уапсените е и лидерот на наркомрежата во Португалија.

Во операцијата учествувале и португалското Воено воздухопловство и Воената морнарица, како и шпанската полиција.