Магазин

Потпишан договор за за превод на дела од македонски млади писатели на бугарски

Потпишан договор за за превод на дела од македонски млади писатели на бугарски
Пред писатели, преведувачи, претставници на книгоиздателства и љубители на литературата, синоќа во Софија беа претставени млади македонски прозаисти. Извадоци од свои текстови читаа Јулијана Величковска, Фросина Пармаковска, Михајло Свидерски, Давор Стојановски, Петар Андоновски, Живко Грозданоски и Верче Карафилоска.
Бугарските книгоиздателства „Персеј” и „Изида” покажаа голем интерес поради што, во рамки на манифестацијата беа потпишани и шест нови договори за превод и изданија на дела од нашите млади писатели.
Претставувањето го организираше Културно-информативниот центар (КИЦ) од Скопје, а за македонските автори зборуваа Нове Цветаноски од книгоиздателството „Македоника литера” кој е иницијатор и носител на овој проект и Васко Шутаров од КИЦ.
Во текот на вчерашниот ден беше остварена и посета на Универзитетската библиотека на Софискиот универзитет каде нашите млади автори даруваа по еден примерок од своите дела. За денеска се најавени средби во Сојузот на бугарските писатели и средби со пертнери во подготовка за Саемот на книгата во Софија.